தமிழ் திரைப்பட தயாரிப்பாளர்கள் சங்கம், தென்னிந்திய நடிகர் சங்கம், தென்னிந்திய திரைப்பட தொழிலாளர்கள் சம்மேளனம் (FEFSI), தமிழ்நாடு திரைப்பட இயக்குநர்கள் சங்கம், தென்னிந்திய திரைப்பட வர்த்தக சங்கம், தமிழ்நாடு சின்னத்திரை கலைஞர்கள் கூட்டமைப்பின் அனைத்து சங்கங்களும் இணைந்து தமிழக முன்னாள் முதலமைச்சர் கலைஞர் மு.கருணாநிதியின் மறைவிற்கு நினைவேந்தல் நிகழ்ச்சி நடத்தினார்கள்.

தமிழ் திரைப்பட தயாரிப்பாளர் சங்கத் தலைவர் விஷால்,செயலாளர்கள் கதிரேசன், S.S.துரைராஜ், நடிகர் சங்கத்தின் தலைவர் நாசர், துணைத் தலைவர் பொன்வண்ணன், பொருளாளர் கார்த்தி, மற்றும் தமிழ் திரைப்பட இயக்குநர்கள் சங்க தலைவர் விக்ரமன், நடிகர் நடிகைகள் சுஹாசினி, ரேவதி, லிஸி, சரண்யா பொன்வண்ணன், குஷ்பூ, ஷீலா, காஞ்சனா, அம்பிகா, பாக்யராஜ், பூர்ணிமா பாக்யராஜ், ஸ்ரீப்ரியா, விக்ரம் பிரபு, ராதாரவி, குட்டிபத்மினி, ஜீவா, கணேஷ், ஆர்த்தி உள்ளிட்ட நடிகர், நடிகைகள் மற்றும் அனைத்து சங்கங்களைச் சார்ந்தவர்களும் கலைஞரின்  புகைப்படத்திற்கு மெழுகுவர்த்தி ஏற்றி, மலர் தூவி மரியாதை செலுத்தினார்கள்.

இந்த நிகழ்ச்சியில் மு.க. ஸ்டாலினுடன் சேர்ந்து அஞ்சலி செலுத்திய ரஜினிகாந்த், ’’கலைஞர் இல்லாத நாட்டை என்னால் நினைத்து கூடப் பார்க்க முடியவில்லை. தமிழ்நாடு பெரிய அடையாளத்தை இழந்திருக்கிறது. தமிழ்நாட்டில் ஒரு பெரிய விழா என்றால் இனி யாரை அழைப்பார்கள் என்று தெரியவில்லை. தமிழ்நாட்டிற்கு யார் வந்தாலும் பெரிய மனிதர் என்று யாரை சந்திக்க போகிறார்கள் என்று தெரியவில்லை.

நாற்பத்தைந்து வயதில் ஒரு கட்சிப் பொறுப்பை ஏற்று எத்தனை சோதனைகள், எத்தனை சூழ்ச்சிகள், எத்தனை துரோகங்கள், எல்லாவற்றையும் தாண்டி கழகத்தை கட்டிக் காப்பாற்றி ஐம்பது ஆண்டு காலங்கள் தலைமை தாங்கிய பெருமை தலைவர் கலைஞர் அவர்களுக்கு உண்டு.

ஐம்பது ஆண்டுகளில் அரசியலில் தன்னந்தனியாக மேடையில் நின்று அரசியல் களத்தில் யாராவது வந்தால் என்னோடு நட்புகொள் அல்லது என்னை எதிர்கொள் அப்போதுதான் தமிழ்நாட்டில் அரசியல் செய்ய முடியும் என்று அரசியல் சதுரங்கத்தில் தாளங்கள் போட்டு புகுந்து விளையாடியவர் கலைஞர்.

அவரால் அரசியலுக்கு வந்தவர்கள் பல லட்சம் தொண்டர்கள், முழுமையாக அரசியலுக்கு வந்தவர்கள் பல ஆயிரம் பேர்கள், அவரால் தலைவரானவர்கள் பல நூறு பேர்கள். யாரும் தவறாகக் கொள்ளக் கூடாது, அ.தி.மு.க. வின் ஆண்டு விழா புரட்சித் தலைவர் எம்.ஜி.ஆர். அவர்களின் புகைப்படம் வைக்கப்படுகிறது, பக்கத்திலேயே கலைஞர் புகைப்படமும் வைக்க வேண்டும். அ.தி.மு.க. உருவானதே கலைஞரால் தான். அவர் கட்சியில் இருந்து தூக்கப்பட்டார். அதற்கு பின்னால் யார் யார் இருந்தார்கள், யார் யாருடைய சூழ்ச்சி இருந்தது என்பது வரலாறு தெரிந்தவர்கள் நன்கு அறிவார்கள். அத்தனை வஞ்சனைகளையும் தாண்டி தன் உடன்பிறப்புகளுக்காக வாழ்ந்தார்.

அவர் அரசியல் பயணங்களைப் பற்றி பேச இன்னும் நிறைய நேரம் இருக்கிறது. இன்னும் நிறைய சந்தர்ப்பங்கள் வரும். இலக்கியம் பார்த்தால் அதில் அவர் செய்யாத சாதனை இல்லை. இருட்டில் இருந்த சரித்திர நாயகர்கள் சேரர், சோழர், பாண்டியர், பல்லவர்கள், சிற்றரசர்கள், போன்ற வெளிச்சம் படாத வீரர்களையெல்லாம் தன் சொல்லாலும், எழுத்தாலும், பாமரர் முதல் பண்டிதர் வரை கொண்டுபோய் சேர்த்தவர் கலைஞர். சினிமா பயணம் பற்றி பேசவேண்டிய அவசியம் இல்லை.

இரண்டு பெரிய இமயங்களை உருவாக்கியது கலைஞர். நடிகராக இருந்த எம்.ஜி.ஆரை ஸ்டாராக்கியது மலைக்கள்ளன் படத்தில், சிவாஜி கணேசனை ஒரே படத்தில் சூப்பர் ஸ்டார் ஆக்கியதும் கலைஞர் தான். கலைஞர் மறைந்தார் என்ற செய்தி கேட்டவுடனே என்னால் தாங்கிக் கொள்ள முடியவில்லை. அவருடன் நான் கழித்த நேரங்கள் என் நினைவில் வந்துகொண்டே இருந்தது. டிவியில் பார்த்தேன் மக்கள் கூட்டம், இருந்தாலும் பரவாயில்லை என்று சென்றேன். ஆனால் என்னால் பார்க்கமுடியாமல் திரும்பி வந்துவிட்டேன். மீண்டும் அதிகாலையிலேயே சென்றேன். பல ஆயிரம் பேர் மட்டுமே இருந்ததைக் கண்டு அதிர்ச்சியுற்றேன்.

எங்கே அவரது உடன் பிறப்புகள், அவர்களுக்காக எவ்ளோ உழைத்திருக்கிறார். தமிழக மக்கள் மீது கோபம் வந்தது. ஆனால் அதன் பிறகு அலை அலையாய் கட்டுகடங்காத கூட்டத்தைப் பார்த்து வியந்தேன். தமிழக மக்கள் என்றுமே நன்றி மறவாதவர்கள். பதவியில் இல்லை, வயது முதிர்வு, ஆனாலும் முப்படை வீரர்களும் தகுந்த மரியாதை கொடுத்தார்கள். இருப்பினும் ஒரு குறை எனக்கு, அண்டை மாநில முதலமைச்சர்கள், அத்தனை தலைவர்கள் இருக்கும்போது தமிழ்நாட்டு முதல்வர் இருக்க வேண்டாமா? மந்திரி சபையே இருக்க வேண்டாமா? இதைப் பார்த்து மற்றவர்கள் என்ன நினைப்பார்கள். நீங்கள் என்ன எம்.ஜி.ஆரா? ஜெயலிதாவா? இருப்பினும் அவருக்கு மெரினாவில் மேல்முறையிட்டுக்கு போகாமல் இடம் கொடுத்தது ஆறுதல். ஸ்டாலின் குழந்தை போல் கண்ணீர் வடித்தது பார்த்தும் என்னால் தாங்கிக் கொள்ள முடியவில்லை. கவலை வேண்டாம். அந்த மாமனிதரின் ஆத்மா உங்களுக்கு வழிகாட்டும்’’ என்று பேசினார்.

நினைவேந்தலில் கலந்து கொண்டவர்கள் விவரம்:-

தென்னிந்திய நடிகர் சங்கம் பொதுச் செயலாளர்

தென்னிந்திய நடிகர் சங்க தலைவர் நாசர், பொதுச் செயலாளர் விஷால்,பொருளாளர் கார்த்தி,துணை தலைவர் பொன்வண்ணன்,

செயற்குழு & நியமன செயற்குழு உறுப்பினர்கள்

பூச்சி முருகன்,குட்டி பத்மினி,லலிதா குமாரி,சிவகாமி,சோனியா,சங்கீதா, A.L.உதயா,நந்தா,ரமணா,ஸ்ரீமன்,ஹேமச்சந்திரன்,பிரேம்,ஆயுப் கான்,மருது பாண்டியன்,வாசுதேவன்,பசுபதி,அஜய் ரத்தினம்,M.A.பிரகாஷ் மற்றும் பலர்

நடிகர்கள்

ரேவதி,ப்ரபா,ஷீலா,சுகாசினி,ஜீவிதா ராஜசேகரன்,ஸ்ரீபிரியா,குஷ்பு, அம்பிகா,லிஸ்ஸி,ஜோதி மீனா,காஞ்சனா,பசி சத்யா,ஆர்த்தி கணேஷ்,சஞ்சிதா செட்டி,சஞ்சனாசிங்,காயத்திரி,வசுந்தரா,மீனால்,சரண்யா பொன்வண்ணன்,

விஜயகுமார்,மயில் சாமி,விக்ரம் பிரபு,நட்டி நடராஜ்,ஜீவா,பாபி சிம்ஹா,கிருஷ்ணா,உதயநிதி ஸ்டாலின்,நிழல்கள் ரவி, J.P,ராதா ரவி, ராமகிரிஷ்ன்ன,சௌதர்ராஜன்,ப்ளாக் பாண்டி,கிர்ஸ்,ஆனந்த ராஜ்,Dr.ராஜசேகர்,மாரிமுத்து,மாஸ்டர் சோபி மற்றும் பலர்

தயாரிப்பாளர்கள்

தலைவர் விஷால், செயலாளர் கதேரேசன்,S.S.துரைராஜ், k.ராஜன்,KR,சோழர்,பொன்னுரங்கம்,R.B.சௌத்திரி,K.T.குஞ்சுமோன்,மயிலை குருபாதம்,ராஜேஸ்வரி,S.V.தங்கராஜ்,எடிட்டர் மோகன்,மிட்டாய் அன்பு,K.பார்த்திபன்,கலைபுலிதாணு, K.பாக்யராஜ்,திருமலை,பழனிவேல்,சண்முகம்,அசோக் மற்றும் பலர்

இயக்குனர்கள்

விக்ரமன்,ரமேஷ் கண்ணா,P.வாசு,பேரரசு,சந்தன பாரதி,சித்ரா லக்ஷ்மன்.

சின்னத்திரை கூட்டமைப்பு தலைவர் தளபதி, செயலாளர் N சிவன் ஸ்ரீநிவாசன், பிலிம் சேம்பர் L.சுரேஷ்,காற்றகர பிரசாத் மற்றும் பலர் கலந்துகொண்டனர்பிறகு, தென்னிந்திய நடிகர் சங்கம் பொது செயலாளர் மற்றும் தமிழ் திரைப்பட தயாரிப்பாளர் சங்கத் தலைவர் விஷால், செயலாளர்கள் கதிரேசன், S.S.துரைராஜ், தென்னிந்திய நடிகர் சங்கத்தின் தலைவர் நாசர், துணைத் தலைவர் பொன்வண்ணன், பொருளாளர் கார்த்தி, மற்றும் அனைத்து சங்கங்களைச் சார்ந்தவர்கள்

 

LEAVE A REPLY

Please enter your comment!
Please enter your name here