இந்திப்படவுலகில் இந்த வருடம் மிகவும் எதிர்ப்பார்க்கப்படும் படங்களில் ஒன்றாக இருக்கிறது ‘சுய் தாகா – மேட் இன் இந்தியா.’
யாஷ்ராஜ் பிலிம்ஸ் தயாரிக்கும் இந்த படத்தில் நடிகர் வருண் தவான் மற்றும் அனுஷ்கா ஷர்மா ஆகியோர் மௌஜி மற்றும் மம்தா எனும் கதாபாத்திர பெயர்களில் நடித்துள்ளனர்.
வருண் தவான் – அனுஷ்கா ஷர்மா ஆகியோர் முதன் முதலாக இந்த படத்திற்காக ஜோடி சேர்ந்துள்ளனர்.
தேசிய விருது வெற்றி கூட்டணியான இயக்குனர்  சரத் கட்டாரியா இப்படத்தை இயக்கியுள்ளார் மணீஷ் சர்மா படத்தினை தயாரித்துள்ளார்.
வருண்-அனுஷ்கா ஷர்மா இருவரும் இந்த படத்தின் விளம்பரத்திற்காக இந்தியாவிலுள்ள கைவினை கலைஞர்களை சந்திக்க இருக்கிறார்கள்.
‘இந்தப்படம் இளைஞர்கள் தன் திறமைகளை வைத்து யாரையும் எதிர்பார்க்காமல் வாழ்க்கையில் முன்னேற முடியும் என்ற கருத்தினை கொண்டது.எனவே இந்த விளம்பர பயணம் நம் இந்தியாவில் உள்ள இளைஞர்களுக்கு நல்ல ஊக்குவிப்பாக இருக்கும் ” என தயாரிப்பாளர் மணீஷ் ஷர்மா தெரிவித்துள்ளார்.
’நம் நாட்டிலுள்ள இளம் கைவினை கலைஞர்களை சந்திக்க வேண்டி ஆசைப்படுகிறேன்.அவர்களின் திறமைகளும் , வித்யாசமான தொழில் நுட்பத்தையும் அனைவருக்கும் தெரியப்படுத்த விரும்புகிறேன் ” என நடிகர் வருண் தவான் கூறியுள்ளார்.
நாங்கள் இந்தியாவிலுள்ள கைத்தறி கலைஞர்களை சந்திக்க இருப்பதில் பெரும்மகிழ்ச்சி அடைகிறோம்.இன்னும் பல கைவினை கலைஞர்கள் திறமைகள் வெளிவரவேண்டும் என ஆசைப்படுகிறோம் ” என நடிகை அனுஷ்கா ஷர்மா தெரிவித்துள்ளார்.
இந்த படம் இந்த வருடத்தில் செப்டம்பர் மாதம் 28-ம் காந்தி ஜெயந்திக்கு முன்னதாகவே வெளியாக இருக்கிறது.

LEAVE A REPLY

Please enter your comment!
Please enter your name here